林仔茶檔 (Closed)

食嘢性價比高係好緊要😎朋友介紹咗一間大廚曾經拎過米芝連嘅抵食茶記比我🤩入面座得幾闊落，乾淨明亮。二弄蝦球就係大廚菜式拎過米芝連，所以一定要試吓🤤另外聽講炸子雞、咕嚕豬頸肉、椒鹽鮮魷、太極鴛鴦飯、菜遠排骨米都好食，不過今次就試唔曬咁多。另外茶餐廳都有啤酒飲，就可以同friend啤啤佢傾計。🍲上湯菜膽雲吞雞 超級抵！雖然係午市套餐但都幾大份、有四粒雲吞菜同大約1/4隻雞、湯頭清甜、雞肉唔嚡。仲有埋白飯同飲品，呢個價錢我覺得係必叫。🦐米芝蓮二弄大蝦球 沙律醬同咸蛋黃大蝦球，咸蛋黃會比較好因為乾身啲。蝦球大同頗彈牙。✨咕嚕豬頸肉 調味剛好唔會太酸，豬頸肉唔太肥，份量都係大。