嚟喇喂 (Closed)

好日都唔黎開黃大仙探朋友，成日都見到啲報導介紹竹園新開好多檔野食，就順便打算黎見識下到底有咩好食。見到呢間舖頭滿哂座媽似幾多人食就決定試一試下佢。試左好多人食既錫紙粉絲鍋，估唔到呢個價錢黎講都幾好味，湯底幾惹味唔係食完會好頸渴個啲。蜆肉竟然無沙洗得幾乾淨，而且一兜都有好多粒，唔係平時雪左勁耐過夜個啲伏味。雖然我平時唔多食開辣，但佢既少辣真係幾香口都好試得過。期間見到好多街坊過黎都叫米線外賣，下次都想試下係咪都咁掂。整體黎講以呢區性價比黎講算ok，起碼見到其他檔無乜人幫襯但呢檔都keep住有爆場。