Error19 夢幻烤魚場 (Closed)

呢間叫得做夢幻烤魚場果然名不虛傳，啲裝修充滿住心心花花粉紅色咁，的確幾有少女心架。同食烤魚幾有反差萌，特別得黎令人好印象深刻～烤魚當然唔止一隻味，我地揀左個香濃蕃茄烤魚，新鮮蕃茄湯勁開胃食得好滋味！湯底隻色一睇都知濃味，我就係鍾意呢啲😍魚煎得好香好香，肉質鮮嫩，如果唔係同朋友share,相信我係會停唔到勁食一個人隊晒成條🤓我地仲有追加左d配菜，有鴨血同寬粉，想話呢兩樣我地都勁推介，一黎係好吸湯，兩黎勁鍾意呢兩款嘅咬口。呢度嘅野飲都幾靚架，尤其係有個藍柑橘梳打同蝶豆花梳打，勁igable!