火五越式牛肉粉專門店 (華生樓) (Closed)

放假一起身同屋企人出去食lunch, 隨意入咗間越南粉麵店。店內地方企理, 自行click order落單。粉麵類可自選湯河/檬粉, 另有多款小食, 飲品供應。火五特式鳳爪:無骨鳳爪連帶軟筋, 爽脆有口感, 好夠酸, 非常開胃。特式炸蝦春卷: 春卷特長, 不過餡料太少, 不是原隻蝦, 只有少量蝦蓉, 同埋炸皮脆口感。湯底味道濃郁, 另跟芽菜、青檸做配料,火五生牛肉粉: 上檯時生牛肉已被熱湯烚熟, 牛肉幾林, 雖然未至於嫩, 但亦唔會鞋, 整個粉份量多, 湯河索咗個湯底, 啖啖濃郁。火五火車頭牛肉粉:有齊生牛肉、熟牛肉、牛丸、札肉, 熟牛肉有如牛腩般林; 札肉比較薄, 索咗湯底; 牛丸最有驚喜, 彈牙juicy。越南三式冰: 味道偏淡, 椰汁味亦不突出, 配三色啫喱, 有些少層次。