ROOTS (Closed)

朋友生日指定要黎呢間Roots食生日飯，我地book左第2輪食8點。平時都中意閒逛日月星街，發掘多d具特色的創意小店、Café、餐廳等，在皇后大道東爬完一條又長又窄的樓梯就會到達日街，我地在街燈昏暗的小路上等候入座，特別有感覺。店内可以容納二十多人，全場滿座，大概等了15分鐘便入座。炸蓮藕脆片炸得金黃通透，少少苦味，後帶甘味，脆口而不膩，最適合做下酒菜。牛肉Tartare牛肉質感夠厚實，肉味香濃，再用上本地品牌余均益辣椒醬，酸香辣均衡，而牛肉Tartare上面的生雞蛋中和了辣味，感覺唔似食緊生牛肉haha，實在是很有趣的配搭！法式燒春雞配糯米飯再來法式燒春雞配糯米飯，完美地將本地粵菜元素混入法國菜內，春雞非常嫩滑，連雞胸都煮得好好味唔鞋口。糯米飯平時係酒樓食得多，今次呢種食法真係第一次，而且味道無酒樓咁濃味，反而有少少雞既鮮味，再食埋煲底的飯焦，脆卜卜無得頂。