利寶閣 (Closed)

同媽媽食梗係要食中菜啦 !飲下茶慢慢傾 ,講真!出咗嚟做嘢又有幾可得閒同媽媽認真食吓飯傾下計!之前媽媽聽收音機嘅時候都有聽到阿蘇介紹呢間餐廳,咁近近哋咪去試下大角咀呢間囉 !平日$278/1位首先每位都有一客爆膏野生時令奄仔蟹 真係有膏冇厄你,隻蟹肉唔多,但都幾好食!原隻鮑魚花菇正! 冬菇鮑魚都入味 ,而且仲係爽口嘅 !花膠響螺雞湯超濃郁嘅雞湯 ,因為啲雞點煲到出曬未有啲乾 ,就冇食啦 !個湯真係精華,仲有入面係會有花膠添 !其他嘢食就任點任食 香辣蒜香蝦 雖然佢畫點紙嗰度寫住幾多隻 ,但係唔係以幾多隻咁上,喺一碟碟咁上!係真係有啲辣嘅 ,但係因為個醬汁好重口味所以喺蝦殼入面嘅蝦肉都會夠味,肉質尚可。 片皮鴨真係見住佢一隻一隻拎出嚟,冇咗都會好快添 !我自己拎咗嘅只有皮嘅部份,加埋包皮食!其實佢隻鴨燒得唔錯,個皮好脆 !豬腳薑 想講佢嘅醋,底真係勁薑,超鐘意!胡麻醬肉崧山水豆腐 可能冇咩人喺放題食呢啲 ,但我真係想講我真係好鍾意 ,豆腐豆香濃,配芝麻醬一絕 !另外仲有食石岐燒乳鴿 ,細隻外面有啲乾 ; 紅油抄手,同出面有少少唔同但我鍾意食;流心醉蛋 ,酒味勁重;鹹菜胡椒豬肚 ,偏重口味