Video
Read full review
2022-12-16
1394 views
真係有比較有傷害！忠記粥品，門口等外賣嘅人數較多，已經係個值得一試嘅參考指標。一碗豬紅碎牛粥$22、一碗鹹蛋粟米粥$22，加多件牛脷酥$10，打開個蓋一睇已經高下立見。首先，米量明顯足料啲，唔係水汪汪；其次，有薑絲，見微知著。扯開話題，提到薑絲，不如講吓殭屍，唔講女優。殭屍由來，其中一種講法嚟自湘西趕屍，相傳當地人落葉歸根返鄉落葬觀念好重，所以會請趕屍匠將屍體運返鄉下。由於湘西山路崎嶇難行，不宜用車、擔架等方法運送屍體，因此趕屍人會為屍體著上闊袍大袖嘅黑色壽衣，然後將屍體前後排排企，再用兩枝竹竿分別穿過屍體左右衫袖並將手臂綁喺竹竿上。趕屍人一前一後抬住兩枝竹、串住一排屍，加上趕屍隊一般喺夜晚開工，所以睇落就好似一堆屍體跳下跳下、彈下彈下咁。經過啲三姑六婆加鹽加醋嚇小朋友，就變成殭屍一說。仲有，睇《殭屍先生》，林正英趕屍會搖手鈴🛎，電影渲染成指揮殭屍行動。實際上趕屍人搖手鈴，係想提醒附近居民有屍隊到，快啲迴避，同時綁好屋企隻狗，唔好衝出嚟咬啲屍體，米飯班主嚟㗎，任何損傷冇糧出，到時粥水都冇得食呀❗️好，講返碗豬紅碎牛粥，係有味㗎，終於唔使自己加鹽加醋落胡椒，好滾動。另外，佢個豬紅好食，唔係
一碗豬紅碎牛粥$22、一碗鹹蛋粟米粥$22，加多件牛脷酥$10，打開個蓋一睇已經高下立見。首先，米量明顯足料啲，唔係水汪汪；其次，有薑絲，見微知著。
扯開話題，提到薑絲，不如講吓殭屍，唔講女優。殭屍由來，其中一種講法嚟自湘西趕屍，相傳當地人落葉歸根返鄉落葬觀念好重，所以會請趕屍匠將屍體運返鄉下。由於湘西山路崎嶇難行，不宜用車、擔架等方法運送屍體，因此趕屍人會為屍體著上闊袍大袖嘅黑色壽衣，然後將屍體前後排排企，再用兩枝竹竿分別穿過屍體左右衫袖並將手臂綁喺竹竿上。趕屍人一前一後抬住兩枝竹、串住一排屍，加上趕屍隊一般喺夜晚開工，所以睇落就好似一堆屍體跳下跳下、彈下彈下咁。經過啲三姑六婆加鹽加醋嚇小朋友，就變成殭屍一說。仲有，睇《殭屍先生》，林正英趕屍會搖手鈴🛎，電影渲染成指揮殭屍行動。實際上趕屍人搖手鈴，係想提醒附近居民有屍隊到，快啲迴避，同時綁好屋企隻狗，唔好衝出嚟咬啲屍體，米飯班主嚟㗎，任何損傷冇糧出，到時粥水都冇得食呀❗️
好，講返碗豬紅碎牛粥，係有味㗎，終於唔使自己加鹽加醋落胡椒，好滾動。另外，佢個豬紅好食，唔係因為有大發做對比先覺得佢好食，即使以一般正常豬紅而言，忠記粥品嘅豬紅都明顯有水準啲。牛脷酥，正常囉。至於另一碗粥，鹹蛋粟米粥，唔係我食，不便評論，但根據當事人形容，都係話高質好多。
豬紅肉碎粥
$22
33 views
0 likes
0 comments
鹹蛋粟米粥
$22
25 views
0 likes
0 comments
牛脷酥
$10
43 views
0 likes
0 comments
66 views
0 likes
0 comments
34 views
0 likes
0 comments
Post
