好旺角麵家 (Moved) New Location

料多，夠傳統，因為有魚片，傳統艇仔係有魚片，係香港極少有，料多新鮮。粥就無發水，但都未夠綿。艇仔粥係香港黎講，都值得一試，有鮮魚片既艇仔都少有。同埋最鬼死特別係，居然有蠔屎，真係未見過艇仔有蠔屎，非常特別。但係粥就好咸，咸到過頭，唔知係咪有蠔屎，可能佢有咸瘦肉底，再加上艇仔料又係咸，變左咸上加咸。小心處理，艇仔必需咸得黎帶鮮甜。環境好好，好有懷舊感，阿姐又同熟客吹水，好鬼死有街坊 feel 唔同新式果D，服務完就企埋一二角。真係好懷念呢D服務態度。