新良友快餐店

Open Now

Now Closed

話說新工作在尖東，一於由呢度寫起。公司樓下呢間茶餐廳，絕對係糧尾最佳選擇，在職貧窮人士必選。首先佢每日都有40蚊外賣自取飯，有十幾個俾你揀，唔怕無野岩食。就算真係揀唔岩，佢餐牌其他飯麵都係50蚊左右包飲品，選擇真係好多。其次佢嘅份量絕對無因40蚊而偷工減料，每盒飯都裝到滿滿，味道方面要睇當日師傅重手定輕手，普遍味道個人覺得少少淡，但係喺尖東呢啲商業區，你仲想點呢？順帶一提，佢除左午市因人手不足唔送外賣，其餘時間都會送。佢個下午茶都好正，西多士絕非大x樂嗰啲單一塊包，係有西多士靈魂 - 花生醬！