Video
Read full review
2018-04-19
143 views
過咗海物價昂貴，以前向灣仔翻工成日呻食咩都貴，宜家向觀塘翻工都貴但伏多（伏既就唔講咁多）心理失衡，同朋友去中上環調節下😂呢間餐廳新開仲未好多人去，主打自家配製cocktail店舖裝潢感覺精緻有格調，我費時影響其他食客冇影相。因為2個都冇咩主見，所以叫個weekend Set menu+1個主食，cocktail set唔包另叫。先來前菜，熱辣香脆既餐飽，配牛油及橄欖油黑醋醫一醫肚。西蘭花湯以為係忌廉溝西蘭花蓉，飲落奶味唔出味道酸酸地，都幾有趣。蟹餅每人一塊，岩岩炸起食得出一絲絲蟹肉。一上菜我呆咗，以為個碟崩咗咁別緻😳原來係碟既特別設計令你產生錯覺。Cocktail叫咗一杯green snow同flourish flowers。有杯叫Tom Yum Kung雖然調味冇辣椒但個名太有創意唔敢試🙈Flourish flower尤如其名面層幼滑泡沫灑上玫瑰花乾，飲落充滿花香對女性來講頗易入口。green snow混咗奇異果但飲唔到果肉既鮮味，酸酸地幾醒胃，建議搗碎薄荷葉入落層次更豐富。主菜海鮮扁意粉，海鮮份量佔一半，意粉用橄欖油蒜蓉炒香，食落偏硬身，個人鍾意軟身口感。焗龍蝦底下有小薯粒，配上牛
呢間餐廳新開仲未好多人去，主打自家配製cocktail
店舖裝潢感覺精緻有格調，我費時影響其他食客冇影相。
因為2個都冇咩主見，所以叫個weekend Set menu+1個主食，cocktail set唔包另叫。
先來前菜，熱辣香脆既餐飽，配牛油及橄欖油黑醋醫一醫肚。
西蘭花湯以為係忌廉溝西蘭花蓉，飲落奶味唔出味道酸酸地，都幾有趣。
蟹餅每人一塊，岩岩炸起食得出一絲絲蟹肉。一上菜我呆咗，以為個碟崩咗咁別緻😳原來係碟既特別設計令你產生錯覺。
Cocktail叫咗一杯green snow同flourish flowers。
有杯叫Tom Yum Kung雖然調味冇辣椒但個名太有創意唔敢試🙈
Flourish flower尤如其名面層幼滑泡沫灑上玫瑰花乾，飲落充滿花香對女性來講頗易入口。
green snow混咗奇異果但飲唔到果肉既鮮味，酸酸地幾醒胃，建議搗碎薄荷葉入落層次更豐富。
主菜海鮮扁意粉，海鮮份量佔一半，意粉用橄欖油蒜蓉炒香，食落偏硬身，個人鍾意軟身口感。
焗龍蝦底下有小薯粒，配上牛油醬進餐，不過一食就知蝦肉彈牙新鮮唔洗任何調味都已經好好味
最尾跟餐奉上蘋果批，蘇皮包住蘋果肉，外面曬上肉桂粉，稍稍覺得太甜。
整體體驗同食物質數好好，可能新開老闆會走過來問下我地意見睇下點樣改進，值得再試！
Post
