北京老家 (Closed)

喺太子呢頭返工真係好幸福，附近多野食，仲有北京老街呢間又經濟又好食的餐廳，都是我同同事最喜愛食飯的地方。可能佢要上樓，到午飯時間，都唔洗排隊，仲有位，就算多啲人一齊食都唔怕，唔洗迫。通常我地多人就會每人揀一個餸，然後一齊分，一齊食。每個餐$58，有例湯﹑白飯同甜品，免加一同茶錢。周圍裝修都幾標緻。扮下古色古香咁。我最中意食水煮面青，夠哂麻，夠香口，唔算辣，真係想連啲湯都飲埋！入面有大大條花椒好足料，仲有寬粉，豬肉，大白菜，芽菜，夠哂豐料～另一至愛係糖醋魚塊。好多時食呢類咕嚕食物，都會好厚炸粉，或勁多汁整到似食漿糊咁。但呢個真係無，魚好滑，個汁岩岩好唔多唔少。麻婆豆腐﹑欖菜四季豆同蔥爆牛肉，都係送飯一流，煮得好香，夠哂惹味！最後，要趕住走，無影相的糖水，係桂花小丸子，送的小丸子都有好多粒，真係飽到攬住個肚走！而加食個茶記都係五六十蚊一個餐，仲要係頹個種。但係呢度可以食到精緻的小菜，坐得舒適，唔洗趕住交枱，伙記仲好友善，好幫忙，會介紹下啲餸，主動問我地有咩未來幫我地去追。真心推薦～