LA FAMILLE

Open Now

Now Closed

呢間La famille 主打係賣戚風蛋糕，之前同事離職，揀咗呢間戚風小蛋糕請我哋食。佢哋嘅蛋糕有好多款式口味，戚風蛋糕鬆軟，感覺好輕盈，而且唔會好乾身，口感濕潤綿密。同埋小蛋糕嘅size又啱啱好，可以一個人食到一件！😋早兩日去開鑽石山，買咗兩件戚風小蛋糕+一件巴伐利亞。我最鍾意係大甲香芋黑糖麻糬戚風小蛋糕，同埋香濃開心果戚風小蛋糕。大甲香芋味嘅cream又香又濃又滑，配埋黑糖麻糬軟糯口感perfect。開心果蛋糕外面係一層脆脆嘅開心果朱古力加開心果碎，雖然係有啲甜，但開心果味好濃！另外件巴伐利亞個樣就好靚好精緻，但食落味道比較清淡，個人覺得戚風小蛋糕較為出色。