鳳城1954 (MegaBox)

Open Now

Now Closed

每次嚟嚫Megabox都係行宜家傢俬或者睇戲，平時去開都係食快餐多，今次我哋揀咗點心做午餐。咁有傳統嘅名但裏面格局都好新式，除咗窗口位嘅座位，感覺似餐廳多啲。價錢比一般酒樓貴少少，不過食物係唔錯嘅。食完先喺門口見到呢個set，每人一個都抵。彩虹蝦餃，除咗顏色特別，裏面嘅餡都做得唔錯。熔岩流沙包，個餡流沙得嚟有個厚度，唔會一搣開就漏晒出嚟。甘筍鹹水角，呢個做得好好味，賣相又可愛。春風得意腸，擺盤幾好，味道可以。風騷蛋散，每逢酒樓有必點。招牌鳳城炒飯，雖然味覺上無特別，不過係炒得幾好，粒粒分明又唔油膩。