반찬앤쿡 Banchan and Cook (時代廣場) (Closed)

早幾日行過時代廣場仲做緊優惠，就去咗呢一間Banchan and cook度食飯。做咗一個前菜同埋兩個主食。咁個口味都唔錯嘅，首先前菜方面我就叫咗將由黑毛豬白切肉配大醬生菜（$162） 首先將啲黑毛豬放上去生菜度再加埋啲醬咁樣食，成件事可以中和返，口感啱啱好又唔會太油膩。鍾意嘅仲可以試吓用薄荷葉嚟食。👍另外仲揀咗個泡菜五花肉蛋包飯（$105），個蛋包飯做得好出色，首先個蛋整到好滑，而且個蛋包住嘅入邊係炒飯。成件事更加好食。另外五花肉用啲泡菜包住辣辣地好惹味😍 另一個主食方面我哋就叫咗個韓式無骨炸雞（$108），炸雞係啱啱炸好即刻上枱，所以熱辣辣。配埋佢兩款特製既醬汁上面仲有啲年糕同埋薯條👍雖然成件事好邪惡，但係好好食飲品方面我哋就叫咗個夏日特別嘅飲品分別白桃奶酪同埋白桃梳打，兩杯嘢飲都整得好靚而且真係有白桃可以食㗎。我自己就比較鍾意飲奶酪個一杯，鍾意水果口味嘅朋友可以試吓。最後食埋個烤朱古力棉花糖（$78），雖然已經好飽，但係個甜品都幾好食所以我哋都清左佢。甜品係好單純用烤棉花糖加啲消化餅一齊食👍 雖然比較甜但係好正😬