舍 (Closed)

First Try中式下午茶西式港女下午茶就食得多，今次想試吓呢個中式嘅下午茶，有驚喜。餐廳環境寬敞，設有室外同室內位置，嗰日咁啱天氣麻麻地所以就坐咗室內，如果天氣好嘅話坐室外真係打卡一流，靚人靚景加美食，一流。整個下午茶都係用粉紅色做主題，惜才一啲都唔馬虎，而且樣樣都好精緻，成個首飾箱咁，真係唔捨得食呀。雜菌手袋酥同上湯金魚餃栩栩如生，金魚餃真係好似喺啲湯度游緊水咁呀😃鮑魚酥鮑魚大粒，酥皮層次豐富，好食。雖然話係下午茶睇落好細份，但兩個人食真係啱啱好，加埋杯花茶，一個完美嘅下午。