Bifteck (Closed)

再訪 Bifteckhk 試佢哋推出既六道菜晚餐，主打慢煮澳洲 M9和牛牛小排及美國特級牛腰肉當然要一試，牛小排肉質腍嫩充滿油香，而牛腰肉肉味相對比較濃郁。帶子龍蝦意粉都相當出色，帶子嫩滑龍蝦爽口，自家製櫻花蝦XO醬配搭幼身的手工意大利粉非常惹味😋另外前菜紅蟹肉豆腐奶凍鮮味十足，豆腐奶凍香滑帶點豆香，加左柚子汁夠晒清新開胃。最後甜品都好有驚喜，芒果雪葩加入山椒，先嚐到芒果清新的甜味，然後慢慢散發出麻香，味道相當特別。