Smile Yogurt & Dessert Bar (Closed)

記得這店初初開時,幫襯嘅人唔多,人影都唔多個,現在啱啱相反,我諗此店已經出咗名了.入去此店，第一眼比我嘅感覺，係舖面裝飾得簡約舒服，店裏嘅乳酪同其他西餅食品，賣相特別同精緻。價錢一點也不便宜，平均要$45-50，但質素可以同酒店比下去。乳酪質感幼滑細緻，奶味重，甜酸比例適中，配料選擇唔算多，但款式特別又精緻，脆餅夠鬆化，生果好新鮮，加落乳酪嘅醬汁味道剛剛好，唔會太甜.整體感覺，口感好豐富，我會再來幫襯。