老掌櫃東北菜館 (富達廣場)

Open Now

Now Closed

係元朗想食抵食既東北菜，一搵就係老掌櫃! 呢到價錢相宜，而且唔收加一! 晚餐時間到埗，好爆場，就知道真係好食! 去到見到接近每枱都有叫到北京填鴨~ 所以我地都叫左黎食。呢到可以簡一隻或者半隻，如果好似我地得2個人，叫半隻就岩岩好!北京填鴨 (半隻)半隻都唔洗$200，好抵食。鴨皮色澤紅潤，皮脆肉嫩。香氣夠，而且鴨肉肥而不膩的。配埋青瓜同京蔥絲食，絕對可以解膩。重點係佢既餅皮份量都好夠，有成20塊，唔會食到尾淨係得肉唔夠皮! 糖醋魚塊份量同樣好多，醬汁酸酸甜甜，好開胃。魚肉啖啖肉，外皮就算淋左醬汁，都好脆口!欖菜肉鬆炒飯欖菜唔會太鹹，飯炒得好乾身，配埋碎豬肉，每啖都好滿足。豆沙鍋餅最後一定要叫個甜品，豆沙鍋餅色澤金黃，外脆內軟，整體甜而不膩。