寬巷子 (Closed)

平時下午茶多數揀西式high tea 或者港式茶餐廳，估唔到打邊爐都可以係tea time食到，仲要係high tea 三層架，咁吸引緊係要試下啦。湯底唔錯，幾夠味。三層架嘅分工好清楚，上層係肉類盛合，中層係創意料理，底層係甜蜜花園，即係雜菜盤。上層有和牛牛舌，墨魚片同豬頸肉。每樣都擺成花嘅樣，好靚，差啲唔想放散佢。墨魚片比較淡，但爽口。牛舌係賣飛佛，薄薄的，比較快熟 ，有牛味，唔會太硬。豬頸肉雖然煮耐左，但都唔會嚡。中層嘅創意料理，真係呢度嘅特色，每款食物都係外表靚靚，仲要估佢唔到。比較鍾意鳳梨酥同糖葫蘆。鳳梨酥係豆腐皮包住蝦肉，花枝，幾爽口。糖葫蘆外表QQ，味道唔錯。仲有個甜品都好美味呢間過江龍，食物有創意，擺盤精緻吸引，的確值得試一試。