禮 (天光道) (Closed)

難得食好啲，揀咗呢間主打精緻日本料理嘅黃店。.🐟秋刀魚刺身$188秋刀魚係秋天嘅時令刺身。但稍有保存不當好易腐壞，而且去骨仲需要好好嘅刀工，所以唔易遇到好食嘅秋刀魚刺身。呢度嘅秋刀魚魚肉呈現好靚嘅粉紅色。肥美飽滿，入口油香十足，但絕無腥味。另可加上蔥花、薑茸、山葵、醬油提味。.🦪蒜蓉燒室津生蠔$136肉質肥厚，味道鮮甜又帶有微微海水味。值得一讚係蒜蓉味唔重，亦冇過多調味，唔會遮蓋蠔嘅鮮味。.🥩網燒半熟牛肉他他$188口感滑嫩順口，連少少筋腱位都冇。牛味濃郁，配上以土佐醋同洋蔥為主調嘅醬汁，變得清新開胃唔油膩.🍣禮 極上刺身四品盛$488吞拿魚🥢帶子🥢章紅魚🥢油甘魚男朋友一個人食晒成盤😠。據說各款鮮味十足，無細骨又無筋。油甘魚更加係肥美而且油香重。.🍢媽媽鹹蛋豬肉棒$48免治豬肉燒得金黃，食落好juicy。醬汁鹹蛋味唔重，反而食到肉嘅甜味。.🥚芝士玉子燒$88口感嫩滑濕潤，芝士令味道同口感更豐富。.🦑原隻燒魷魚（微辣）$138魷魚厚肉而且口感彈牙。醬汁調味適中，辣度偏低。.🟢枝豆$38過口癮用嘅前菜。加上少少鹽吊味反而味道更清甜。.🥃禮 (天光道) (土瓜灣)土瓜灣天光道42-44號天光