十常八九

Open Now

Now Closed

最近深水埗新開唔少cafe，間間風格都唔同，而家去唔到旅行，唯有去cafe打卡chill下！店內燈光柔和，裝修走精緻日系風格，以白色為主調 ，配合溫暖嘅木系枱櫈 ，再加上採用落地玻璃同榻榻米設計，打造出舒適寧靜嘅環境，感覺好似置身日本小店一樣，令人心曠神怡。店內主要提供輕食、甜品同咖啡，menu以手繪插畫形式表達，好可愛，睇見都想食呀！黃豆黑糖豆乳($48)賣相IG-able，入口豆味同黑糖都好香濃，但唔會好甜；糯米丸子好cute，口感煙韌軟糯，兩者好match！草莓忌廉奶油蛋糕($62)忌廉奶油蛋糕味道濃郁，口感好soft，質感清爽輕盈，味道酸甜清新，令人一食愛上！焦糖布丁 ($38)用咗矮腳玻璃杯裝住，賣相好精緻，好啱打卡！但可惜味道就較為遜色，而且唔夠彈性，有啲失望！提提大家，cafe亦係寵物友善餐廳，歡迎狗主帶埋毛孩一齊嚟chill下同歎番下。