Shibui 洋食屋 (Closed)

雖然唔係真係主打洋食，呢到用西日嘅配搭出一樣樣好精緻嘅嘢食，但好可惜唔少菜式都賣晒。黃燈+昭和裝修令到成間餐廳好有復和味，打卡非常好。*昆布南瓜湯 $48湯頭唔單止有南瓜甜味，昆布嘅鮮味為主，有煎香馬鈴薯丸子、天婦羅昆布，不過唔係太夾。鰈魚裙邊雜菜沙律 $98灸燒鰈魚裙邊油分好多，一咬即化，可惜份量唔多。最底係蕃茄果凍，鹹鹹哋嘅，配沙律口感好特別。三文魚 $138三文魚有啲乾，唔夠嫩，核桃、開心果、松子牛油好淡。枝豆泥幾特別，配三文魚食令魚冇咁乾。配菜有酸菜、三文魚慕絲球，慕絲球新鮮熱辣，外層脆卜卜，入面軟順流質，不過好重芝士味(?)海鰻茶漬飯 $138鰻魚有三四塊，味道質感都正常。白飯偏硬，配日本子薑。即場斟綠茶高湯做茶漬飯，茶味最重，飯味、薑味、鮮味都好淡。青い空 Blue sky $68藍橙糖漿+檸檬+日本柚子雪葩有份影相打卡但冇份飲~