Video
Read full review
2022-11-10
30 views
今日朋友帶我去打邊爐 去到銅鑼灣登龍街 呢條街食店林立 眼花繚亂 朋友帶我來左呢間紅堂 門外冇咩特別 但內有乾坤🤪🤪入到去以紅黑為主打色 環境昏暗好有feel 兩個人可以坐包廂位 好闊落同私隱度高👍🏻👍🏻 食物有好多選擇 唔同類型湯底 同埋有好多好精緻嘅功夫菜 侍應都會講下有咩特色同埋好多食物都係新鮮即整😋湯底我地揀左紅堂和牛牛油麻辣鍋 一上檯就聞到好香嘅辣椒味 仲有舊牛油好香😋揀左小辣 食落唔會太辣但就有好多唔同辣椒嘅香味👍🏻 另外調味料方面除左平時有嘅蔥蒜辣椒 仲另外提供辣椒油/藤椒油/芝麻油👍🏻👍🏻 不過醬油碟比較細 調料裝得比較少 唔算好方便🥺原味嫩牛肉厚切 但係啲肉醃得非常嫩👍🏻👍🏻西班牙伊比利霜降豚肉砌成兩朵花 好靚嘅紋路 初時覺得好似份量少 不過呢款肉 超好味😋 油脂係口腔中滲出來😆 完全冇豬臊味 呢個份量反而ok 食多好漏🤣🤣必試金沙豬肉棋子豬肉好實 包住蛋黃 不過煮完啲蛋黃熟曬🤣🤣如果有啲流心會再正啲 食完好飽🤪日本麻糬串呢個幾得意 用靚牛肉包住舊麻糬 牛肉好濃郁牛味 麻糬索佐啲辣湯 軟林林 夾埋一齊食個口感好有趣 好少食到嘅配搭 但係係夾嘅😙三色餃子（麻辣和牛餃 黑
食物有好多選擇 唔同類型湯底 同埋有好多好精緻嘅功夫菜 侍應都會講下有咩特色同埋好多食物都係新鮮即整😋
湯底我地揀左紅堂和牛牛油麻辣鍋 一上檯就聞到好香嘅辣椒味 仲有舊牛油好香😋揀左小辣 食落唔會太辣但就有好多唔同辣椒嘅香味👍🏻 另外調味料方面除左平時有嘅蔥蒜辣椒 仲另外提供辣椒油/藤椒油/芝麻油👍🏻👍🏻 不過醬油碟比較細 調料裝得比較少 唔算好方便🥺
原味嫩牛肉
厚切 但係啲肉醃得非常嫩👍🏻👍🏻
西班牙伊比利霜降豚肉
砌成兩朵花 好靚嘅紋路 初時覺得好似份量少 不過呢款肉 超好味😋 油脂係口腔中滲出來😆 完全冇豬臊味 呢個份量反而ok 食多好漏🤣🤣必試
金沙豬肉棋子
豬肉好實 包住蛋黃 不過煮完啲蛋黃熟曬🤣🤣如果有啲流心會再正啲 食完好飽🤪
日本麻糬串
呢個幾得意 用靚牛肉包住舊麻糬 牛肉好濃郁牛味 麻糬索佐啲辣湯 軟林林 夾埋一齊食個口感好有趣 好少食到嘅配搭 但係係夾嘅😙
三色餃子（麻辣和牛餃 黑松露蝦蛋餃 韭菜餃）
侍應話啲餃子係師傅即日新鮮包嘅 連餃子皮都自己整😃我比較喜歡和牛餃 好濃郁牛味 不過就唔係太食到麻辣味 🫣友人喜歡韭菜餃 皮薄餡足😋 黑松露蝦蛋餃則比較特別
蒜泥白肉水晶包
呢個樣同口感都好似食緊粉粿😅😅 外層粉皮都幾好食 不過唔係好食得出係蒜泥白肉🫣🫣
老油條/凍豆腐
辣鍋必食 索汁一流😋😋
萵筍小花
師傅手工了得 萵筍切得好薄 砌成一朵花👍🏻
shake shake酥肉
有辣粉及花椒粉提供 酥肉口感比較特別 炸得香口 肉唔唔係好食到質感🫠
啲嘢食雖然細細份 不過食完都幾飽🤣🤣最後食唔曬🫣🫣整體環境好舒適 食物都唔錯 就係有啲貴 不過朋友係openrice bk左位有折！正🥰🥰
Post
