L'AMOUR

餐廳由米芝蓮三星團隊打造，主打多款精緻法國料理，裝潢佈置高雅大氣，融合巴黎晚期19世紀嘅豪華風格，設有水晶三角琴，適合打卡。整體服務周到細緻，為顧客帶嚟難忘嘅用餐體驗。坐低後先送上麵包，兩款口味，口感偏硬，塗上黑松露牛油可增添風味。是日餐湯散發著淡淡蒜香氣，建議點埋麵包食。沙律菜新鮮，上面有粒溫泉蛋，成粒擺落口好滿足🤣生蠔有三款，分別為日本宮城、法國諾曼第同澳洲哥芬灣，入口滑溜，味道鮮甜，大大隻，值得一試。私心推介塔斯曼尼亞海膽多士，口感豐富且鮮甜入味，如果有多幾件就好啦😆主食有原隻澳洲龍蝦手工意粉，掛滿濃郁醬汁，龍蝦肉味突出，賣相一流，睇得又食得。乾式熟成紐西蘭法式羊仔架煮至五成熟，羊味香濃，啖啖肉幾過癮，法國黃油春雞偏細，勝在皮香肉嫩。限定時日甜品有芒果芝士蛋糕，自家製，芒果蓉真材實料，無額外添加糖漿等調味，芝士味淡，入口綿密、飲品分別有Sangria同Rainbow，打卡一流，酒精濃度低，唔飲開嘅都可以試試。