明乾小館 (Under Renovation)

呢間餐廳有好多特色菜式，無論係小炒or點心感覺都做得好精緻！夜晚有好多人選擇黎呢到聚餐～十幾個人都冇問題～仲有包間😼呢到上去一樓就係～彩虹蝦餃🦐啱啱上嚟嘅時候，我見到佢嘅顏色好靚，第一次食咁靚既蝦餃😂仲有d食用金粉係上面～味道食落去口感好爽口，蝦肉鮮甜，皮薄餡多，好好味！火焰黑椒牛肉生煎包🐂聽落好似好普通嘅包，但係等到食落去就真係吾同啦！包彈牙，入面嘅牛肉超級多汁，而且仲食到濃黑椒味😼😼黑金流沙包🍞熱氣騰騰既包～啱啱一咬落去就有金色流沙記得睇熱，味道濃郁，甜味適中😚荷香陳皮豉汁蒸白鱔飯🐟份量好大份！白鱔蒸得好香滑，白鱔同飯都有淡淡嘅荷香味😚加上陳皮豉汁，味道更加豐富！米網鴛鴦腸，呢個又係顏值好高🤣應該係紅米製成腸粉，內仲有層脆好似油炸鬼豐富口感，蝦滑都好鮮，再點上醬汁，好香口好食！甜品有芒果河粉🥭河粉香滑，加上大量芒果肉同芒果汁！味道清新，好適合夏天食！不過，一定要試一試甜品楊枝甘露！😎內有大量新鮮嘅芒果同柚子肉，柚子都好甜唔會澀，加上西米同椰汁，味道非常香濃，好適合做結束一餐嘅甜品！總括而言今日嘅食物真係好好味～staff都非常熱情🥰一定要嚟試吓啦！