Video
Read full review
2018-12-01
41 views
※本文以用餐當日的環境、服務和食物質素為準，口味亦因人而異，文章只作參考之用。-放工後終於來到期待已久的菓甜品，一直都好想試佢地既粟一燒甜品，賣相好過癮。菓甜品離西鐵站很近，不過門面比較細，很易走漏眼。店內坐位比想像中多，每枱都放上一樽乾燥花，岩晒我地相機食先之人。餐牌部份，圖文並矛的餐牌，看上去每款甜品都相當吸引呢! 西式甜品佔大多數，也有中式糖水和窩夫等。現在打卡更有95折優惠呢！芝士粟一燒 $58呢款粟一燒甜品就係呢度既招牌甜品，當然要來一客！外觀同真既粟米真係可以幾可亂真，連粒粒粟米都整到似模似樣。其實佢真身係粟米味芝士蛋糕，面頭既牛油其實係焦糖芝士，外層粟米粒係用粟米製成既慕絲，裡面係食落唔覺膩既芝士蛋糕；蛋糕食落真係有淡淡既粟米味架，味道食落甜而不膩，真心推薦。意式黑松露咖啡奶凍 $54賣相精緻的奶凍，還配有馬卡龍和蛋白脆餅作點綴；咖啡奶凍入口綿綿質感頗滑，咖啡味滿重略帶少少苦味，隨後黑松露香氣一湧而上，意想不到同奶凍咁夾，好食！楊枝金露 $48除左一系列精緻的甜品外，佢地既楊枝金露係意想不到的好食！用公雞碗盛著的糖水份量唔少，入面有金柚肉、西米同芒果肉，食落都幾足料，芒果
-
放工後終於來到期待已久的菓甜品，一直都好想試佢地既粟一燒甜品，賣相好過癮。菓甜品離西鐵站很近，不過門面比較細，很易走漏眼。
店內坐位比想像中多，每枱都放上一樽乾燥花，岩晒我地相機食先之人。
餐牌部份，圖文並矛的餐牌，看上去每款甜品都相當吸引呢! 西式甜品佔大多數，也有中式糖水和窩夫等。
現在打卡更有95折優惠呢！
芝士粟一燒 $58
呢款粟一燒甜品就係呢度既招牌甜品，當然要來一客！外觀同真既粟米真係可以幾可亂真，連粒粒粟米都整到似模似樣。
其實佢真身係粟米味芝士蛋糕，面頭既牛油其實係焦糖芝士，外層粟米粒係用粟米製成既慕絲，裡面係食落唔覺膩既芝士蛋糕；蛋糕食落真係有淡淡既粟米味架，味道食落甜而不膩，真心推薦。
意式黑松露咖啡奶凍 $54
賣相精緻的奶凍，還配有馬卡龍和蛋白脆餅作點綴；咖啡奶凍入口綿綿質感頗滑，咖啡味滿重略帶少少苦味，隨後黑松露香氣一湧而上，意想不到同奶凍咁夾，好食！
楊枝金露 $48
除左一系列精緻的甜品外，佢地既楊枝金露係意想不到的好食！用公雞碗盛著的糖水份量唔少，入面有金柚肉、西米同芒果肉，食落都幾足料，芒果甜金柚肉無澀味，配埋椰汁芒果底，愈食愈開胃！
桂花白酒燉雪梨 $56
相對上面幾款，呢款就略為失色少少，雪梨燉得夠爽，但白酒同桂花香氣唔夠重，不過一旁既寒天桂花條，清清地味道幾討好。
士多啤梨奶昔 $48
男人點的奶昔，小妹淺嚐了一啖，士多啤梨味頗重，有種好似食緊士多啤梨味雪糕的感覺，還不錯。
Post
