韓半島 (Closed)

呢餐廳，係無心插柳入左去，有個性的我，遇到同幢大廈餐廳不合理對待，把心一橫，scan吓其他有咩可傾計又好食既餐廳，終於嚟左呢間。入到嚟，唔多人，似新開，9成係韓國人店員。餐牌的是新派韓式料理，係韓風再西餐既fusion，賣相亦合引，價錢又合理，一於入去坐。墨魚汁炒粉絲 ，有5款石鍋飯成日有的伴菜，菠菜，芽菜，紅蘿蔔絲，冬菇絲，最驚喜有蝦，店員提示要伴勻墨魚汁粉絲食，一伴就覺得好香，特別陣陣麻油味，味道都好好，真係韓方面，同西餐既好夾配合。 芝士薯仔pizza, 薯仔絲幼到銀絲米粉咁，好脆口，芝士又好香。最特別既係加蜜糖食，好似潮州雙面黃加糖，原來好好既組合，蜜糖又唔太甜，剛好吊起個味。推介~整體都好食，服務又唔錯，真心推介~