貴德宮私房素宴

Open Now

Now Closed

今次帶媽媽去一間餐廳食齋，佢食咗齋好多年（全素），咩齋都食過，不過佢都讚呢間餐廳食物好食 （梗係啦，我都做足功課先敢帶媽媽出街食🤓）👍🏻😙呢一期餐廳有分set A同set B，新年仲有個賀年餐單，大家可以上佢哋社交平台或者打電話去問佢哋每一期嘅餐單～餐廳仲會度身訂造，因為媽媽食全素，即係連蛋同奶都唔食，所以如果提前打去同佢哋講，佢哋可以將部份有蛋奶嘅食物走左蛋奶，好度身訂造咁👏 不過其實餐單唔算好多有蛋奶，媽媽話俾我食咗佢就算，所以冇走到🤣🤣簡單介紹吓啲食物，款款都好高質🤩我就揀咗set B～海珊瑚千色拼盤 （有皮蛋）入面有多款冷菜，最特別係加咗柚子，酸酸甜甜嘅感覺好開胃，青瓜粉皮等等都增加口感👍🏻杏汁海膽豆腐大家估唔估到「海膽」係咩嚟呢？其實就係南瓜蓉。豆腐好香滑，湯汁滲透咗杏仁嘅香味，味道清爽唔膩口，本身我對杏仁冇咩感覺，但係都唔抗拒！私房蘿蔔糕外皮煎得金黃香脆，內裏口感軟嫩，夠晒滑溜，仲食到濃郁嘅蘿蔔絲香氣。配埋特製嘅辣醬，微辣中帶少少甜，令味道更加出色。配料都唔少，唔講都唔覺係齋🤤有機蘑菇滋芝堡 （有芝士）用蘑菇做漢堡嘅麵包，好特別😆蕃茄青瓜都好新鮮，唔錯！蓮藕養生湯飲落去滿口