渝味曉宇重慶老火鍋 (聚賢逸居) (Closed)

同媽媽去西環買海味，準備乾貨儲糧，少出街日子方便用。 媽媽提起佢朋友吃過一間火鍋，材料新鮮又可有半份份量，十分適合佢哋食量少既人。 上OpenRice 一看，原來西環也有分店，就即過去吃過lunch 。 去到門口要測體溫及用消毒搓手液，更細心提供膠袋裝口罩用。 我哋湯底要了雙拼鴛鴦鍋，山珍菌湯鍋配普通辣大紅鍋。 山珍菌湯底十分清甜，淨飲湯也好滋潤。 普通辣大紅鍋雖然表面有大量乾辣，但味道不算過辣，令人有少少刺激又易入口。 美國安格斯肥牛肉切成長長平放碟上，看到雪花肥紋十分吸引。 紐西蘭羊肉卷肉嫩唔騷，配大紅鍋湯底十分match 。 桂花蚌十分大隻，口感爽味鮮甜。 鮮鵝腸就比較瘦，略少了一點鵝脂。 手打蝦滑表面放了蟹籽，增加脆脆口感。鮮蝦雲吞內有好多蝦，鰻魚及脆鯇魚也肥美及新鮮。 我哋全部也是要了半份，半份份量唔多可以選多些口味，2個人lunch 吃剛剛好呢。