반찬앤쿡 Banchan and Cook (屯門市廣場1期)

Open Now

Now Closed

💖連鎖韓國餐廳Banchan and Cook推出左個tasty treat套餐，計落CP值唔錯，今日黎屯門分店試下～1️⃣嚐吃套餐🍽️ $560💖包括自選兩款主菜、一款小食、一款甜品同兩杯飲品：🔸玫瑰醬芫茜大蝦蛋包飯：玫瑰醬濃稠帶花香同酸甜味，令炒飯口感更濕潤，配上蔬菜粒食落爽脆。大蝦彈牙、肉質飽滿，仲有蘑菇、香滑雞蛋同清新沙律菜，食落有飽足感但唔膩🔸肉醬牛胸肉蛋包飯：同樣係嫩滑蛋配炒飯同沙律，再灑上香濃芝士碎。牛胸肉鬆軟、肉汁多，配鹹香肉醬口感豐富🔸炸雞拼盤：自選三款口味，要左芝士、柑橘🍊同甜辣，仲有外焦脆內軟糯嘅年糕。個人最鍾意芝士味，裹滿香濃芝士粉，仲有濃稠芝士醬。柑橘味酸甜清新，食落唔膩。甜辣經典口味，甜得黎又開胃。雞肉嫩唔柴，外皮裹上醬汁都唔會軟爛🔸小甘筍芝士蛋糕：賣相可愛，海綿🧽蛋糕體鬆軟溼潤，搭配芝士蛋糕嘅綿密口感。面頭cream多得黎唔會太甜膩，底部係緊實嘅甘筍底🔸紅豆鮮奶：入口順滑，紅豆甜得黎唔假，飲落舒服😌🔸焦糖芝士山咖啡：芝士香混合咖啡，面頭仲有焦糖絲，配上咖啡同牛奶飲落鹹甜又甘醇💖裝修靚、環境舒服，屯門分店位置方便，平日晚市坐滿曬人，好受歡迎👏🏻。