牛扒先生 (康怡廣場) (Closed)

東區要揀餐廳可以好難，尤其是budget西餐之選可謂諗爆頭。小弟身為食肉獸，當然唔會因為budget而屈就食物質素。咁啱知道Mr steak喺太古城插旗，唔使講野即刻call齊人去食。食得Mr steak, steak就一定要食，但我又點會淨係食steak呢。一於叫個meat platter釋放我內心既食肉獸，牛羊雞齊曬。值得講下既係佢既medium rare係整得剛剛好，肉夠新鮮唔需要大量調味去搭救。同事冇我咁肉食性動物，叫左芝士龍蝦+薄牛扒set。正所謂食材重要，timing亦到緊要。上枱時芝士面焗得微燶，香味滲入龍蝦肉。平時懶斯文既同事秒速掃曬仲話要撈埋痴喺蝦殼既芝士。唔好誤會淨係得肉。buffet bar有大量沙律仼食唔嬲。減肥可以揀田園沙律，滿足味蕾可以揀日式青瓜蟹柳沙律。搭多幾片西班牙黑毛豬火腿，加多個餐前南瓜湯就冇得輸。食完appetizer main course，冇甜品又點可以為一餐飯劃上完美句號。有第二個胃既朋友可以任揀fruit cake, cheesecake, 啫喱，紅豆沙...係buffet style任食。基本上可以滿足曬食得奄尖既香港人既口味。