YA鴨 (Closed)

雖然呢間主要食鴨，但其他肉類同樣煮得出色，好似呢度既牛都好好食！我試佐牛三寶撈粗，有牛丸，金錢肚同牛腩，牛丸爽彈有牛味，金錢肚爽脆煙韌，牛腩軟腩又有筋，唔同口感，層次豐富，牛味勁濃，滷水味都幾重，加啲蒜片同煮得彈牙既粗麵一齊撈，加埋溏心蛋，超豐富！😚男朋友試佐古法柱侯牛腩飯，牛腩真係炆得好腍好入味，一啲都唔鞋口，筋位又有啲咬口，味道香濃，除佐有牛味亦有柱候醬既香味，撈飯食就一流，仲有溏心蛋同菜，真係夠晒豐富！😙我地仲試埋小食潮汕辣瀨尿牛丸吖笨，其實係加辣既牛丸，爆汁之餘加埋秘製辣椒，愈食愈辣，低辣得好香好過癮！😗飲品就試佐鮮檸氣泡美式同埋鮮蜂蜜美式瑪格烈，兩杯都好好飲，調配得好好！