臺北棧 (荷李活道) (Closed)

同朋友行完大館，諗住食埋晚飯先走，驟見附近以酒吧為主，唔太啱我地，徬徨之際，就俾我地搵到依間食台灣菜嘅餐廳。一入餐廳就聽到周蕫嘅名曲，氣氛唔錯。餐廳左邊係吧枱，放咗一櫃台灣啤酒，右邊係普通枱，已經滿哂座，而且有中外遊客，非常熱鬧，睇黎幾受歡迎。餐牌圖文並茂，唔少台灣嘅特色菜都攏括其中，例如牛肉麵、魯肉飯、滷水、蛋餅、鹽酥雞等等，傳統得黎亦都加咗唔少新鮮嘅元素，令人眼前一亮。飲品方面就更加豐富，有千其百趣嘅酒，亦都有各式各樣嘅台式飲品，其中以苦瓜汁大王同埋牛乳大王最為推介。主廚牛四寶湯麵($98)，麵條軟硬適中，配上濃濃嘅牛肉湯底。主角牛四寶包括牛肉、牛腩、金錢肚、牛筋，份量多，厚身，燜得入味。黑松露玉米蛋餅($68)，蛋餅香滑，夾住粟米粒，非常有口感，再淋上滿滿嘅黑松露醬。明太子酥皮蛋捲($80)，以鐵板上，層層嘅酥皮一咬即見，香脆可口，配上明太子同埋櫻花蝦，唔單至冇整淋蛋捲，仲為蛋捲帶黎唔同層次嘅味道。手作黑白配甜不辣($75)，一共4件，外脆內軟，餐廳唔係用普通魚肉，而係用手打黑白墨魚黎整甜不辣，內裡黑白分白，魚肉打得好實，非常彈牙。手繪雙色鹽酥雞($75)，一共5件，金黃色，肉佔