So Coco

Open Now

Now Closed

呢間椰子甜品店由中環街市搬到銅鑼灣地舖， 我今次都係第一次嚟試 。店舖位置相當方便，呢間甜品店標榜手功製作純素甜品，當然用上新鮮椰子製造喺呢度賣點。首先試吓呢杯人氣椰子布甸。呢杯布旬嘅size 其實幾細杯吓 ，打開蓋見到有椰子布甸，椰子肉浸在滿滿嘅椰汁中， 布甸口感非常嫰滑， 放入口已瀡一聲吞咗。 椰汁，椰子肉都是正常一般椰子味道。呢杯布甸，椰子布甸佔嘅份量唔多， 似變咗配角咁， 雖然味道真係唔錯， 不過我係有些少失望。另外在衆多味道嘅椰子沙冰中， 在選擇困難症下選咗杯芒果椰子沙冰 （$48）， 睇番menu介紹， 沙冰選用新鮮椰子水， 椰子肉，加上有機椰奶製作。 雪白椰子沙冰入口第一啖味道，爽！ 非常濃香椰子🥥味道，甜度唔會太甜，而且每啖入到口都會有相當份量攪伴後嘅椰子肉，飲到冰凍嘅椰子冰又食到粒粒嘅椰子肉， 口感上變得豐富。