點點心 (Closed)

記得年幾前帶朋友嚟呢度食，超好食而且仲落埋我嘅must eat restaurant list，不過呢個已經成為回憶啦.........上星期某日晏晝特登搭叮叮嚟到呢間餐廳，大約晏晝兩點幾，有下午茶優惠八折。開心完之後，叫咗六樣嘢。-蝦餃——正常水平-蜜汁叉燒腸——一堆切粒嘅肥+瘦肉-菜苗餃——3隻都好飽滿，味道一般-香菇滑雞飯—-正常水平，雞夠滑，飯夠乾爽，最怕就係啲飯煮到一pat pat嗰啲-金沙肥豬仔——樣貌欠佳，味道一般-黑松露小籠包—-當我自己唔好彩，肉係好多，但係一啲湯汁都冇，而且唔夠熱，個皮仲有啲乾，已經唔記得咗上面嗰一點黑松露嘅存在，因為真係好難食食過好味嘅平價點心就會有此比較。如果要求唔高下午茶時段八折後136 。