湘湘娘娘 (Closed)

一個人食午餐，想叫砂窩魚頭，但係餐廳話份量好大，建議我食午市套餐。經理見我咁想食魚，強烈推薦酸菜魚，有辣度任㨂。一上菜，份量之大都wow 左聲。成碗鋪滿好多新鮮魚片，魚肉嫰滑無骨，非常鮮甜，完全唔腥。湯底清甜冇味精，帶有微酸同小小麻，充滿花椒香氣，令人想一口接一口。配料亦好豐富，有大量既菇同酸菜，送飯食極都有。跟餐仲有杯蝶豆花青檸梳打，係勁大杯，飲極都有亦有小食跟餐，我㨂左手拍青瓜，但味道作酸，多左啲醋。仲叫左個薺菜魚羹，薺菜好幼細，味道非常香，配上滑滑豆腐，入口就滑左落喉嚨，打茨亦唔多，唔駛怕會好杰撻撻。餐廳環境亦非常舒適寬敞