蟹仙海鮮蒸氣鍋 (Closed)

老闆係香港嘅海鮮入口商,經營青蟹批發30年經驗,天天直接空運到店鋪，仲會揀最靚青蟹到餐廳,野生越南頂角膏蟹及黃奄蟹隻隻爆膏。越南頂角膏蟹，今次食膏蟹，膏會比較硬身，入囗都幾香，蟹肉鮮甜又大隻，仲有啲蟹汁真係精華黎。澳洲青年龍蝦，龍蝦成隻手臂咁大隻，啲肉都好彈牙。日本大元貝，元貝都好甜，囗感爽囗。貴妃蚌，都幾多肉汁嫁。深海龍躉片，魚肉都好嫩好滑。鮑魚，海蝦都幾足料，蝦肉彈牙，鮑魚夠曬鮮甜啊。蔬菜籃，蒸娃娃菜同南瓜都好軟綿綿。二百多就可以食到咁多好食嘅海鮮真係抵食，仲要係元朗,新蒲崗,九龍城都有分店，真係又方便就腳啊。服務又貼心又盡責，每次個放海鮮外殼嘅碗一滿咗，店員就主動去倒，真係貼心到冇得頂，仲要每種食材較好個時間蒸，蒸得啱啱好，又唔會過老。