Godiva Chocolatier (國際金融中心商場)

Open Now

Now Closed

終於有得試喇，見到Facebook 同Instagram 好多人post，影到好靚好似超好味咁。Godiva 出名既係雪糕同豬古力，未見過舖頭入面有雪糕機，暫時只有中環同尖沙咀有得食，遲下好似旺角都有，好方便！講返正題，$39一杯，見到佢放係度個支 sample，同雪糕車吱出黎既差唔多大細，仲以為好"漏"好滯，食兩淡就飽飽，但原來唔係。購買當日係星期日既下午5點幾，原本得一兩個人排隊，買完之後就有10個人排隊，唔通我帶旺左個場！？哈哈~脆筒上有豬古力軟雪糕，圍住個脆筒邊點左小小豬古力醬，軟雪糕上放左塊寫住Godiva既豬古力牌仔。買完當然要影相，掛住同佢自拍唔記得幫佢影獨照添，因為影左兩三張佢就好似溶咁樣。原來佢唔係溶，只不過佢既質地係咁樣。lam左一下，好棉好滑好軟。淡淡既豬古力味，唔滯，一d都唔"漏"。個脆筒唔係係咪自己整架呢，不過好味程度一般般啦，軟雪糕一定要配脆筒先好食。而塊豬古力牌仔都係普普通通，軟雪糕香而不膩，係另一層次既軟雪糕，係呢個夏天係一個不錯既選擇。