Video
Read full review
2022-01-06
2107 views
紅磡馬頭圍道一條唔太起眼嘅巷入面嘅一間小店，當日星期五下午２點開門，２點半去到喺街頭已經見到人頭湧湧，分開左兩條隊排緊（外賣、堂食）。但都唔太意外，因為呢間店喺海南雞關注組討論度好高，加埋「米紙」出片推薦，好多人特意過黎打卡、潮聖（包括我在內）。但當日係閒日，等左唔洗半個鐘就入得，入面環境較為逼少少，但野食好味就冇問題啦。🐓招牌去骨泰式海南雞飯 $55 ★★★★☆本身呢個套餐跟左油飯唔需要加錢，油飯每粒米飯都呈金黃色，煮得剛剛好，粒粒分明，軟糯但有咬口，食落仲有陣陣雞油香味同香茅味，食落唔會太油膩，岩岩好，但如果可以再多d炸蒜會更好，再惹味D，個油飯係做得幾出色。到主角泰式海南雞✨，雖然冇轉到脾位，但雞胸位置都完全唔會鞋或者好柴，食到有雞味但真心唔重，而佢泰式香料唔會蓋過哂，喧賓奪主，味道算夾得平衡。最欣賞個雞皮好爽滑又Q彈，厚薄亦適中，唔會令到人食完好膩口，加埋雞皮下少少啫喱部分，真係好有驚喜。但唯一嘅少少缺點就係當日雞皮部分有啲過咸，同行嘅男友亦指上次佢食都冇咁咸個雞皮，可能重手左，但都冇阻我食哂成個飯同雞。除左雞皮部分，佢地嘅泰式醬汁亦受到我高度的讚賞，佢落左D泰式香料加埋醬油，
紅磡馬頭圍道一條唔太起眼嘅巷入面嘅一間小店，當日星期五下午２點開門，２點半去到喺街頭已經見到人頭湧湧，分開左兩條隊排緊（外賣、堂食）。但都唔太意外，因為呢間店喺海南雞關注組討論度好高，加埋「米紙」出片推薦，好多人特意過黎打卡、潮聖（包括我在內）。但當日係閒日，等左唔洗半個鐘就入得，入面環境較為逼少少，但野食好味就冇問題啦。
招牌去骨泰式海南雞飯
$55
155 views
2 likes
0 comments
招牌去骨泰式海南雞飯
$55
228 views
2 likes
0 comments
★★★★☆
本身呢個套餐跟左油飯唔需要加錢，油飯每粒米飯都呈金黃色，煮得剛剛好，粒粒分明，軟糯但有咬口，食落仲有陣陣雞油香味同香茅味，食落唔會太油膩，岩岩好，但如果可以再多d炸蒜會更好，再惹味D，個油飯係做得幾出色。到主角泰式海南雞✨，雖然冇轉到脾位，但雞胸位置都完全唔會鞋或者好柴，食到有雞味但真心唔重，而佢泰式香料唔會蓋過哂，喧賓奪主，味道算夾得平衡。最欣賞個雞皮好爽滑又Q彈，厚薄亦適中，唔會令到人食完好膩口，加埋雞皮下少少啫喱部分，真係好有驚喜。但唯一嘅少少缺點就係當日雞皮部分有啲過咸，同行嘅男友亦指上次佢食都冇咁咸個雞皮，可能重手左，但都冇阻我食哂成個飯同雞。除左雞皮部分，佢地嘅泰式醬汁亦受到我高度的讚賞，佢落左D泰式香料加埋醬油，好微微辣，但好惹味，不論喺撈飯定係點雞食都一流，我從來都未試過可以差唔多清哂成個醬汁碟。
去骨蔥油雞飯
$52
82 views
1 likes
0 comments
去骨蔥油雞飯
$52
82 views
1 likes
0 comments
★★★★☆
呢個餐本身冇跟油飯，如果轉要加錢$5。但就加左錢轉左做全脾$13，真係俾普通位置再滑身、軟腍好多，真係試哂兩隻先試到分別，我覺得都值得加錢。同樣係海南雞，但上面就淋左好多蔥油。D蔥油比平時出面食到嘅更加之香，蔥唔會太過淋，仲有小小咬口，份量亦幾多，個咸香同白飯好夾，餸哂成個飯都絕對冇問題。平時鍾情蔥油嘅朋友仔唔好錯過。
跟餐大家可以簡唔洗加錢嘅限量椰子🥥雞湯，早去就通常都有，味道都幾住家湯FEEL，有椰子嘅清甜加陣陣雞嘅鮮味，睇得出用真材實料煲，唔係普通味精料貨仔，想有得飲真係要早少少黎。
🌟總括： 海南飯好滑，雞皮部分好出色，但唔係好有雞味。油飯、醬油好味，椰子雞湯亦值得一試。去骨蔥油雞飯亦可一試。整體上野食味道都好唔錯，價錢合理。大家想試就最好搵個閒日OR出少少去。值得一提，大家去之前可留意佢地社交平台專頁睇清楚營業時間，因為同行男友指上次開下午3點，但而家就轉左2點開門。
Post
