品蓮素食 (Closed)

品蓮素食係我住深水埗茹素大嫂的御用飯堂。今日去探大嫂和她剛滿月的bb，她推薦我食呢間。裝修有點宗教色彩的裝修好樸素的，很有齋堂的味道，星期四係清明節假期，裏面都坐咗約九成客人。叫菜前姐姐已經送上了齋湯，裏面有紅蘿蔔粟米，非常清甜，平時食得肉類多，偶然食下素菜清清腸胃也非常不錯。福建炒飯 $45裏面的「肉粒」很有咬口，個汁就冇平時福建炒飯咁咸，好快食晒碟飯。XO醬炒牛河 $45XO醬炒牛河非常惹味，加埋辣椒醬就更加正！可惜冇凍檸茶之後唔係太飽，叫多咗個雲吞麵，啲雲吞脹卜卜，好夠料啊雲吞麵係蕃茄湯底，湯底濃郁，麵就不是用蛋做，不食蛋的朋友也可以點。