Miss Lee (Closed)

其實李好純同公司實在有啲距離，加上天氣越來越熱行過去都幾辛苦。但李好純的確有佢既魅力令我想一嚐再嚐，結果克服左距離同酷熱天氣，又走左過黎食晏。上次食左三餸，今次唔係太餓，食兩餸就夠。Encore左個咕嚕菠蘿炒鮮竹粒，另一個餸同主食都係新嘗試。松露野菌准山麵有好香既松露味，而且仲落左好多菇菌，好足料。個麵其實就唔係特別食到准山味，同普通麵冇乜分別，勝在比平時就咁用麵粉做既麵有營養。咕嚕菠蘿炒鮮竹粒真係好好食，絕對值得encore。個甜酸醬做得好出色，用黎送飯就最啱。啲鮮竹粒夠香口，又唔會好油膩。腰果小炒係一般家常菜，唔會有太大驚喜，啱啲鐘意清清地口味既人。食飯期間聽到隔離枱啲人都有傾下食素既好處，越嚟越多人食素，對動物同地球黎講都係件好事。