一禪

Open Now

Now Closed

已經唔記得係第幾次嚟一禪，但係佢哋每一次都仲比到好多驚喜。睇佢哋嘅IG成日都見到新嘅甜品推出，而且多數都係冇蛋冇奶既純素。今次就見到佢哋推出左抹茶撻同埋栗子撻，個樣就好吸引嘞，唔知味道係點嘅呢？🍵抹茶撻淨係賣相都已經cute爆！上面一個個波波睇落似棉花糖，原來係cream黎既😆香滑既cream加埋少少澀既抹茶配搭得好好！撻皮係厚身果款，夠脆身唔會好硬，又比用牛油整既冇咁漏，好味😋🌰栗子撻栗子好creamy食落完全冇粒粒，個撻入面內有乾坤😵薄薄既cream下面藏左一層蛋糕，蛋糕下面仲有層焙茶醬，好有驚喜😍依個撻皮就比較薄，係另一個texture，兩個我都鐘意🥰最近見到佢哋出咗純素士多啤梨蛋糕，相信好快又要再去食喇。