有運燒味飯店 (Closed)

呢間燒臘檔新開冇多久，禮拜日中午過來，想食飯既好舖頭又柵晒，係趕時間情況下又見呢度幾多人幫襯，估計應該幾得。坐低唔出聲阿姐已經囉定碗例湯過黎，清補涼雞腳燒豬骨，雞腳燒豬骨全部下欄野，淡湯清淡如水，可有可無。叫了碗燒肉雞飯，燒肉層皮真係脆道索索聲，而燒肉肉味唔錯但偏淡，跟永合隆相反，鍾意死咸既呢度唔會係你杯茶；切雞應該係新鮮雞，但雞種唔好，雞肉唔算濃，要的薑蓉補夠。廿皮一碗雙并，似乎單買燒肉已經夠，切雞都係唔得，總分打成平手。臨走前見到大大隻字寫正宗燒鵝皇，似乎燒鵝皇都係呢度既皇道。