茶星人 (德民大廈) (Closed)

平時都鍾意飲手搖飲品，亦都試過好多唔同間，對茶星人都幾有期待，始終都有啲名氣。今次喺紅磡店叫咗一杯芝芝莓苺。芝芝系列只有標準裝，冇得揀size。總結今次第一次飲茶星人，坦白講我覺得名多於實。呢杯芝芝莓莓一飲落去覺得好甜，另外職員話會有果肉，坦白講我飲咗成杯，真係一粒果肉都食唔到🙈士多啤梨嘅籽就有好多粒🙈不過奶蓋係幾好味既，只係呢杯野真係太甜啦，又無得選擇甜度。