Holly Brown (Closed)

前日黎到中環Holly Brown食炒雪糕🍦因為Holly Brown中環分店宣布12月31號為最終營業日，並係琴日30號及31號推出一連兩天結業限定優惠！聽講12年前就推出全港首創的炒雪糕，即叫即炒的藍色雲呢拿雪糕配上自選配料，雖然學生時期有見過，不過無食過🥹依家知道佢要結業所以特登抽時間過黎試下😭我同男朋友叫左熊貓抱抱及邱比特❤️現場仲可以睇到店員點樣炒個雪糕☺️不過堂食係用玻璃杯裝架，所以我揀左外賣，藍色兜影相打卡靚好多😂如果都想同我一樣用藍色兜影相既話就要叫外賣啦，可以坐係門口度食架❤️熊貓抱抱🐼由牛奶、朱古力醬、朱古力碎及Oreo製成，食落去唔會話太凍，亦都唔會好甜同好流，餅碎係有芝麻味😗不過份量唔算大，$88都偏貴🥲不過係食佢炒雪糕架姐🤤邱比特🧚🏻‍♂️由牛奶-忌廉、海棉蛋糕同士多啤梨製成，士多啤梨同有粒疑似蔓越莓係有啲酸，不過海棉蛋糕溝左雪糕就好好食😋12月30日及12月31日下午3時後，到Holly Brown中環分店，購買任何款式及口味的炒雪糕，即可享有第2杯半價優惠，堂食及外賣都適用。