坤記煲仔小菜 (Moved) New Location

早前去了所謂西營盤出名煲仔飯，點知後悔莫及!1. 排隊無system 2. 成間鋪 只有一個伙記落單3. 其他員工 寫單耍手擰頭，跟進已經等了成個鐘的食物，敷衍了事，最後都冇上菜!!4. 見到啲外賣人員 等到非常憤怒當晚叫了三樣野，菜同雞20分鐘到，合理唔合理，都算，因為重點叫了煲仔飯，完全理解製作需時，所以30分鐘後才跟進，點知餐廳員工話"有架啦有架啦", 咁都係講個信字咪繼續等。 15分鐘後再問，餐廳員工話"廚房間唔拎出嚟我拎唔到俾你㗎"。 15分再跟進再問，因為見到隔離張枱客人的食物及煲仔飯也到齊，以我比他們早到，正常應該我的煲仔飯也準備好。。。可惜，最後等了一小時十分鐘，員工走過來問"你的煲仔飯仲未到？"我心諗張枱只有食剩下的雞和菜，好明顯就冇煲仔飯啦!!我們決定走了 再等也是不會來。埋單時最後員工話"可能張單無落到 不好意思。。。。" 講真如果是有心去幫客人跟進，第一次客人問情況底下，你留左單都可以即時補上啦。。。菜味道一般，鹽焗雞非常鹹浪費時間 不會再去了