Video
Read full review
2024-01-03
2137 views
好一段時間無過嚟土瓜灣，感覺又有啲唔同，今晚同老婆嚟到土瓜灣「北帝街 」搵食，其實就喺提早食小弟餐生日飯，呢條可以講喺新興嘅食街，沿途好多有心嘅小店，最後揀咗近「宋皇臺」嘅「HeySoNuts」，主要風評不俗，有靚咖啡飲啱我，有梳乎厘班戟就啱佢。俗語話有麝自然香，有質素嘅餐廳自不然有客路，今晚嚟到確喺有幾多人，全場爆滿。一室長形，鋪位入到好深，裝修帶點工業風，配以昏暗而柔和燈光，確喺幾有氣氛；而近門口有啲吧枱位，可以睇到鋪外街景。此外，最特別，又吸晴喺餐枱面嘅花磚，好有啲葡國風嘅設計。而店員睇起嚟都好後生，好好招呼，又有禮貌。餐牌得好精美，黑底白字，加上啲食物相。咁作為咖啡店，咖啡梗喺主打啦，一起首就介紹飲品先，除多款意式咖啡之外，就仲有多款咖啡特飲、精品咖啡、熱果乾茶、手搖冰茶、果汁及其他飲品。 再加多一張額外飲品餐牌：啤酒、雞尾酒、餐酒。食物方面，類別就分為沙律、主菜、嘻蘇甩精選、湯品、意大利麵、意大利飯、漢堡……等等。配搭都幾新派、幾有創意，所以，都話依家唔好睇少啲咖啡店，供應嘅食物非常之多元化。 甜品款式亦好有驚喜，因為款式以咖啡店以言，的確真喺多，包括梳乎厘班戟、窩夫、法式千
俗語話有麝自然香，有質素嘅餐廳自不然有客路，今晚嚟到確喺有幾多人，全場爆滿。一室長形，鋪位入到好深，裝修帶點工業風，配以昏暗而柔和燈光，確喺幾有氣氛；而近門口有啲吧枱位，可以睇到鋪外街景。
此外，最特別，又吸晴喺餐枱面嘅花磚，好有啲葡國風嘅設計。而店員睇起嚟都好後生，好好招呼，又有禮貌。
餐牌得好精美，黑底白字，加上啲食物相。咁作為咖啡店，咖啡梗喺主打啦，一起首就介紹飲品先，除多款意式咖啡之外，就仲有多款咖啡特飲、精品咖啡、熱果乾茶、手搖冰茶、果汁及其他飲品。 再加多一張額外飲品餐牌：啤酒、雞尾酒、餐酒。
食物方面，類別就分為沙律、主菜、嘻蘇甩精選、湯品、意大利麵、意大利飯、漢堡……等等。配搭都幾新派、幾有創意，所以，都話依家唔好睇少啲咖啡店，供應嘅食物非常之多元化。
甜品款式亦好有驚喜，因為款式以咖啡店以言，的確真喺多，包括梳乎厘班戟、窩夫、法式千層酥及幾款特色甜點。
揭到主餐牌最尾，原來餐廳仲有做到會套餐服務，分咗6-8、10-12、20人以上，啱晒搞派對時之用。
焦糖鮮奶咖啡 $44唔使講，嚟到咖啡店就梗喺揀飲鮮奶咖啡啦，今次揀杯焦糖口味。個拉花非常之靚，心形圖案拉到好多層，線紋極為細緻，又好對稱，賣相就無乜挑剔位喇，而咖啡味道醇和，有果仁香氣，再滲出陣陣焦糖香味，完全無攪過，飲落每一口都好均勻，沖泡手勢一流。
焦糖鮮奶咖啡
$44
29 views
0 likes
0 comments
老婆本身幾鍾意飲啲濃厚嘅朱古力，晌茶記佢就有時會點唂咕（同朱古力唔同架），所以，晌餐牌見到呢一款既有70%，又用上比利時朱古力，自然要試試。入口果然朱古力味香醇濃厚，而且，口感好細滑，只恨份量偏少唔夠喉，哈哈！
70%比利時鮮奶朱古力
$46
5 views
0 likes
0 comments
馬來西亞嘅喇沙不時都有食，小弟本身都幾鍾意，所以，睇見呢款扁意粉，就已經覺得好對胃口。成品嚟到，外觀睇落好對辦，海鮮有鮮蝦、魷魚、大蜆，再伴啲秋葵，啲海鮮食得出喺新鮮貨，夠晒鮮甜；扁意粉煮得夠咬口，咬落有韌勁，掛滿喇沙汁，惹味又帶有微辣，汁量又啱啱好，唔會太少，亦唔會過量。
自家製喇沙汁海鮮扁意粉
$138
25 views
0 likes
0 comments
手打雞肉蝦堡漢堡 $138難得見有款素漢堡，本打算嗌俾老婆食，點知佢就揀咗另一款，就喺「手打雞肉蝦」，咁咩漢堡我都OK嘅。將漢堡切開，就睇到厚厚嘅手打雞肉蝦，再夾有生菜、蕃茄、青瓜。先講個包身，烘得外脆內軟，件雞肉蝦食落幾有彈牙感，外層酥脆，加上自家製嘅醬汁，醒胃而滲出陣陣辣勁。伴以大量炸脆條，香脆可口唔油，整體嚟講幾唔錯。
開心果茉莉花醬日式梳乎厘班戟 $104我哋就揀咗其中一款新品梳乎厘班戟作為飯後甜點，開心果喺老婆好喜歡作為零食類嘅果仁，所以，對個梳乎厘班戟好有期待。嚟到個班戟真喺震騰騰咁，淋滿晒開心果醬，灑咗唔少開心果碎碎，再伴以士多啤梨粒，賣相吸晴。啲梳乎厘班戟做得好軟綿綿，空氣感強，微微濕潤，極有蛋香，襯上開心果醬的確好味，不過，我哋大家異口同聲均覺得茉莉花味就比較隱若啲。
開心果茉莉花醬日式梳乎厘班戟
$104
21 views
0 likes
0 comments
食完之後就明白點解間餐廳咁旺，唔止食品質素高，而且服務又好，環境又好有風格，坐得舒適，真喺值得支持嘅小店，翻兜率極高嘅餐廳。
Post
