翠華餐廳 (Closed)

本來，卡叔同卡嬸，幾乎個個禮拜都幫襯呢間翠華兩三次﹗( 有時早﹑有時午，有時晚), 因為佢地基本上食物都ok, 普通食飽個肚，仲想點？但經過今晚，唔使旨意我再幫襯﹗﹗事緣呢晚卡嬸叫咗個帶子雞排餐，點知食到一半，至發覺呢晚既晚餐，都係帶子雞排，而價錢則相差足足十蚊﹗卡嬸叫個灰衫阿叔經理過黎，好聲好氣問佢晚餐同排餐有咩分別，阿叔經理初初話兩者份量不同，但坐我地後面兩個人，都正正食緊呢個晚餐，而份量一ｄ分別都無，仲要炒飯底﹗﹗卡嬸傻吓傻吓問，可唔可以改番當晚餐，跟住阿叔經理話唔得，因為入咗電腦　仲話我地自己揀，好公平　跟住，阿叔經理講吓講吓，仲爆響口，其實ｄ排餐輪流會做晚餐；我聽到，就同阿叔經理講：　「我唔使你扣番十蚊俾我，我當我自己做咗傻仔，但你地下次再用排餐當晚餐，就應該提ｄ伙計提醒ｄ客，咁至係待客之道。如果第二個客好似我咁覺得自己做傻仔，唔開心，就會唔再黎囉．．．」點知阿叔話ｄ伙計水平低，做唔到；仲叫我地下次小心ｄ揀﹗黎唔黎幫襯又係另一樣事．．．　唔係呀嘩？﹗　唔回水﹗唔認錯﹗唔接受意見﹗剩係叫我地下次小心d揀？﹗﹗﹗擺明兩份餐全無分別﹗卡嬸仲揀白飯底 vs 晚餐都有炒飯底﹗我一定會小