Video
Read full review
2015-08-13
945 views
其實本身自己好鐘意西班牙呢個國家，故之然好想試下正宗嘅西班牙菜，咁啱聽同事講話九龍城剛剛開左間以黑毛豬為招牌菜嘅西班牙餐廳，所以決定約埋兩個姊妹一齊去試下。一行到入餐廳入面見到個view非常舒服，裝潢好用心好有誠意，真係好似係外國d大屋咁，配合埋d background 音樂真係好舒服好relax, 啱晒我地幾個女仔輕鬆一下girl's talk 😝，相信老闆放左唔少心機同成本，值得欣賞呀，要比個good good 👍 😉首先我地點左個春卷小食，但由於我地實在有d肚餓，所以食淨最後一條先記得要影相☺️，講返呢個春卷其實絕對唔簡單，聽廚師哥哥介紹話入面係用左黑毛豬混入墨魚滑搓成嘅，我地都一致讚好👍之後就到我最其待嘅Parma ham 😍，我地點左隻64個月嘅，一食落口真係有驚喜，同平時係大型超市買果d完全係兩回事，超市果d比較咸我平時會連蜜瓜一齊食，但呢隻個味就啱啱好，就咁食真係一流👍跟住就輪到waitress姐姐介紹嘅豬仔脾，起初我地食落都有種好熟又講唔出嘅味道，大家估估下嘅時候waitress姐姐終於揭曉，答案就係-黑啤😲，原來個豬仔脾係用黑啤煮嫁，所以充滿住麥味，又一驚喜😁。到最後就
其實本身自己好鐘意西班牙呢個國家，故之然好想試下正宗嘅西班牙菜，咁啱聽同事講話九龍城剛剛開左間以黑毛豬為招牌菜嘅西班牙餐廳，所以決定約埋兩個姊妹一齊去試下。
一行到入餐廳入面見到個view非常舒服，裝潢好用心好有誠意，真係好似係外國d大屋咁，配合埋d background 音樂真係好舒服好relax, 啱晒我地幾個女仔輕鬆一下girl's talk 😝，相信老闆放左唔少心機同成本，值得欣賞呀，要比個good good 👍 😉
首先我地點左個春卷小食，但由於我地實在有d肚餓，所以食淨最後一條先記得要影相☺️，講返呢個春卷其實絕對唔簡單，聽廚師哥哥介紹話入面係用左黑毛豬混入墨魚滑搓成嘅，我地都一致讚好👍
之後就到我最其待嘅Parma ham 😍，我地點左隻64個月嘅，一食落口真係有驚喜，同平時係大型超市買果d完全係兩回事，超市果d比較咸我平時會連蜜瓜一齊食，但呢隻個味就啱啱好，就咁食真係一流👍
跟住就輪到waitress姐姐介紹嘅豬仔脾，起初我地食落都有種好熟又講唔出嘅味道，大家估估下嘅時候waitress姐姐終於揭曉，答案就係-黑啤😲，原來個豬仔脾係用黑啤煮嫁，所以充滿住麥味，又一驚喜😁。
到最後就係我地三個都讚不絕口嘅呢味"黑松露帶子意大利麵"，重份量嘅忌廉加埋超大量嘅黑松露😍😍😍，淨係聞到都enjoy，啱晒我呢d「松露控」，真係肥幾磅都抵，食埋先減啦😁
其實仲想試埋個甜品雪巴，不過我地幾個女仔實在食得太飽，要投降了🙈，唯有下一次啦，不過臨走時我都忍唔到手要買多包ham😁😁😁，for煲劇果時食haha ,總括黎講我覺得食物同環境都非常好，如果想暫時脫離繁囂輕鬆下嘅真係值得一試😉😉😉
Post
