潮叔 (駱駝漆大廈第三座) (Closed)

觀塘嘅駱駝漆大廈除咗outlet之外，仲有唔少特色餐廳小店，絕對係觀塘上班一族繁忙小休嘅飯堂呀！不過，喺駱駝漆大廈搵食一定要預先鎖定目標，因為駱駝漆大廈人流多但電梯少，喺度搭lift絕對係一個挑戰，而我哋今日就鎖定新開張嘅潮叔啦！涼拌雲耳炎炎夏日，小食就揀涼拌雲耳啦！雲耳爽脆，加上酸酸哋嘅醬汁，非常醒胃。涼拌青瓜另一冷盤推介就係涼拌青瓜，青瓜新鮮爽口，索哂醬汁，同樣開胃！蒜香雞翼雞翼絕對係小食界嘅代表，又點可以唔叫番碟呢？呢碟蒜香雞翼嘅蒜香味濃，皮脆肉嫩，而且夠晒入味，正！乾炒豬扒烏冬嘩！勁大碟，份量十足呀！乾炒豬扒烏冬即叫即炒，夠哂鑊氣，豬扒份量多，夠晒飽肚。一人火鍋潮叔喺長沙灣設有凍肉店，主要售賣高質上乘食材。而嚟到觀塘嘅潮叔，火鍋配料同樣提供高質上乘食材，質素絕對有保證。好似呢個一人火鍋，肉類四選一，可以揀肥牛、豚肉、三花趾，或我哋所揀嘅吊龍。吊龍大概係肉眼位置，肥瘦均勻，最大賣點係肉味非常香濃！其他配料仲有五寶盒、菜藍同烏冬，特別推介嘅係五寶盒內嘅牛丸，絕對唔係街邊hea貨，因為牛丸嘅牛味超香濃，口感超彈牙又多肉汁，非常驚喜！另一抵讚嘅係，作為小店都提供5款湯底選擇，絕不馬虎求